प्रधानमन्त्री केपी शर्मा ओलीको आसन्न भ्रमण अघि नेकपा एमालेका वरिष्ठ उपाध्यक्ष ईश्वर पोखरेलको नेतृत्वमा १५ सदस्यीय टोली चीन भ्रमणमा गएको छ । चिनियां कम्युनिष्ट पार्टीको निमन्त्रणमा पोख्रेल नेतृत्वको टोली आज अपरान्ह त्यसतर्फ प्रस्थान गरेको हो । दुई मुलुकबीचका कम्युनिष्ट पार्टीबीचको सम्वन्ध विस्तार भ्रमणको मुख्य एजेण्डा रहेको टोलीका सदस्य एवम् एमालेको परराष्ट्र विभागका सदस्य दीपेन्द्र श्रेष्ठले जाजकारी दिनुभयो । 

भ्रमण टोलीमा वरिष्ठ उपाध्यक्ष पोखरेलसंगै एमाले सचिव लेखराज भट्ट, स्थायी कमिटी सदस्य गोरखबहादुर बोगटी, केन्द्रीय सदस्यहरु शान्ति ढकाल, सरिता भुसाल, टंकप्रसाद बराल रहेका छन् । त्यस्तै, राजकुमार भण्डारी, मुहम्मद कैस, रोशनी मेचे लगायतभ्रमण टोलीमा छन् । पोख्रेल नेतृत्वको टोली सेकेण्ड ग्लोबल साउथ थिंक ट्याङ फोरममा सहभागी हुन चीन गएको हो ।