ललितपुर महानगरपालिकाका मेयर चिरिबाबु महर्जनले जावलाखेलमा रहेको चिडिया घर अन्यत्र सार्न नदिने बताउनुभएको छ । सदर चिडियाघरको वार्षिकोत्सव समारोहलाई सम्बोधन गर्दै उहाँले चिडियाघरमा नअटाएका जनावर अन्यत्र लैजान सम्बन्धित निकायलाई आग्रह गर्नुभयो । 

आफू मेयर भएदेखि चिडियाघरसँग अन्योन्याश्रित सम्बन्ध बनेको उहाँँको भनाई थियो । चिडियाघरका लागि आफूले जनाएको प्रतिबद्धता सबै पूरा गरेको मेयर महर्जनले दाबी गर्नुभयो । ललितपुरको जावलाखेलस्थित चिडियाघरमा दैनिक हजारौंले अवलोकन गर्ने गरेका छन् ।