अछामको ढकारी गाउँपालिका–८ घोडासैनका दुई किशोरीको जंगलमा शव भेटिएपछि हत्या गरिएको आशंकामा प्रहरीले दुई जनालाई नियन्त्रणमा लिएको छ । 

ढकारीकै २० वर्षमुनिका दुई जनालाई गएराति नियन्त्रणमा लिएर अनुसन्धान भइरहेको अछामका प्रहरी नायब उपरीक्षक डीएसपी ईश्वरीप्रसाद भण्डारीले बताउनुभयो । हत्याको विषयमा मेडिकल रिपोर्ट मात्रै थप कुरा थाहा हुने उहाँले बताउनुभयो । 

अनुसन्धानलाई थप विश्वसनीय बनाउन दुबै किशोरीको शवको पोस्टमार्टमका लागि नेपालगञ्जस्थित भेरी प्रादेशिक अस्पतालमा पु¥याइएको डीएसपी भण्डारीले बताउनुभयो ।

गत शुक्रबार बाख्रा चराउन गएकी १४ वर्षीया इशरा खड्का र १५ वर्षीया सरस्वती खड्काको शव ढकारी–१ मा पर्ने रिमारवा छिन्ने जंगलमा क्षतविक्षत अवस्थामा फेला परेको थियो ।