प्रतिनिधिसभाको बैठक आज पनि बस्दै छ । संघीय संसद भवनमा दिउँसो १ बजेका लागि बैठक बोलाइएको छ । 

बैठकमा प्रधानमन्त्री केपी शर्मा ओलीले राज्य व्यवस्था तथा सुशासन समितिको प्रतिवेदन सहितको राष्ट्रिय सभामा उत्पत्ति भएको भ्रष्टाचार निवारण (पहिलो संशोधन) विधेयक २०७७ छलफलका लागि प्रस्तुत गर्ने कार्यसूची छ । 

साथै भ्रष्टाचार निवारण (पहिलो संशोधन) विधेयक २०८१ पारित गर्न प्रस्ताव प्रस्तुत गर्ने सम्भावित कार्यसूची रहेको संसद सचिवालयले जनाएको छ । 

यस्तै, उद्योग, वाणिज्य तथा आपूर्तिमन्त्री दामोदर भण्डारीले निकासी पैठारी (नियमन) विधेयक, २०८१ लाई प्रस्तुत गर्ने सम्भावित कार्यसूची रहेको संसद सचिवालयले जनाएको छ ।