सप्तरी जिल्लामा डयुटीमा खटिएका बेला प्रहरी कर्मचारीले मोवाइल नचलाउन पाइने भएको छ । जिल्ला प्रहरी कार्यालयले डयुटीमा खटिएका बखत कमाण्डर वाहेक अन्य प्रहरीले मोवाइल चलाउन नपाइने प्रावधान लागु गरेको छ । खटिएका बेला कमाण्डरले पनि अत्याबश्यक परेको खण्डमा मात्र डयुटीकै कामका लागि मात्र मोवाइल प्रयोग गर्न पाउने छन् ।

डयुटीमा खटिएका बेला प्रहरीले मोवाइल चलाउदा सुरक्षा निगरानी प्रभावकारी हुन नसकेको,मोवाइल तर्फ ध्यान हुदा प्रहरी आफंै पनि असुरक्षित हुन सक्ने अबस्थालाई ध्यानमा राखी डयुटीका बेला मोवाइल प्रयोगमा रोक लगाएको सप्तरीका एसपी ढकेन्द्र खतिवडाले जानकारी दिनुभयो ।

यो प्रावधानलाई जिल्ला प्रहरी कार्यालय सप्तरीले कडाइका साथ कार्यान्वयन गरेको छ । डयुटीमा रहेका प्रहरीहरु मोवाइलमा लामो समय गफिदै बस्ने, फेसबुक, टिकटक लगायत सामाजिक संजालहरु चलाउँदै ब्यस्त रहने गरेको गुनासोपछि प्रहरी नेतृत्वले डयुटीका बेला मोवाइल प्रयोगमा रोक लगाएको हो ।