नेपाल शिक्षक महासंघ राष्ट्रिय समितिले आजबाट अनिश्चितकालिन सडक आन्दोलन सुरु गरेका छन् ।

विद्यालय शिक्षा ऐन जारीको माग गर्दै उनीहरुले काठमाडौंका विभिन्न स्थानमा ¥याली गरेका छन् । महासंघको आह्वानमा काठमाडौंका विभिन्न स्थानबाट निकालिएको ¥याली माइतीघर मण्डलामा पुगेका छन् । समिति अध्यक्ष लक्ष्मीकिशोर सुवेदीले विज्ञप्ति जारी गर्दै सबै प्रकृतिका शिक्षक तथा विद्यालय कर्मचारीका समस्या समाधान गरी गुणस्तरीय विद्यालय शिक्षाको प्रवन्ध गर्न सक्ने विद्यालय शिक्षा ऐन जारी नभएसम्म आन्दोलन नरोकिने उल्लेख गर्नु भएको हो ।

नेपाल शिक्षक महासंघ र सरकारबीच विगतमा भएका सहमति सम्बोधन हुने गरी गुणस्तरीय विद्यालय शिक्षा, विद्यार्थी र शिक्षक कर्मचारी मैत्री अग्रगामी विद्यालय शिक्षा ऐन बनाउनुपर्ने समितिको माग छ । तर विद्यालय शिक्षा विधेयक संसदमा पारित नभई संसद अधिवेशन भने अन्त्य भइसकेको छ ।