प्रतिनिधिसभा सांसद एवं राप्रपाका वरिष्ठ नेता दिपक बोहोराको अन्त्येष्टि गरिएको छ ।

लामो समयदेखि अस्वस्थ बोहोराको काठमाडौंस्थित ओम अस्पतालमा ७४ वर्षका उमेरमा निधन भएको थियो । पशुपति आर्यघाटमा बोहोरालाई अन्तिम श्रद्धाञ्जली दिन सभामुख देवराज घिमिरे तथा राप्रपा सहित दलका नेताहरु पुगेका थिए ।

बोहोरा २०७९ को निर्वाचनमा रुपन्देही ३ बाट निर्वाचित हुनुहुन्थ्यो । यसैबीच, राप्रपाले बोहोराको निधनमा तीन दिन शोक मनाउने, पार्टीको आधा झन्डा झुकाउने र तीन दिनसम्म कुनै औपचारिक कार्यक्रम नगर्ने जनाएको छ ।