राष्ट्रिय प्रजातन्त्र पार्टी राप्रपाले काठमाडौंको तीनकुने क्षेत्रमा गत शुक्रवार भएको हिंसात्मक घटनाबारे सर्वाेच्च अदालतका पूर्व न्यायाधीशको नेतृत्वमा स्वतन्त्र छानविन आयोग गठन गर्न सरकारसँग माग गरेको छ ।

राप्रपाका अध्यक्ष राजेन्द्र लिङदेनसहितका नेताहरुले कार्यवाहक प्रधानमन्त्री प्रकाशमान सिंहलाई ध्यानाकर्षण पत्र बुझाउँदै राष्ट्रिय मानवअधिकार आयोग र नागरिक समाजका प्रतिनिधिसहितको आयोग गठन गर्न माग गरेको हो । सरकारलाई ध्यानाकर्षण पत्र बुझाएपछि राप्रपा अध्यक्ष लिङदेनले राज्य पक्षबाटै हिंसा भड्काएको आशंका भएकाले घटनाबारे छानविन गर्न आयोग गठनको माग गरिएको बताउनुभयो ।

राप्रपाले निष्पक्ष छानबिनका लागि गृहमन्त्री रमेश लेखकको राजीनामा तथा चैत १५ गतेको प्रदर्शन नियन्त्रणका लागि नेतृत्व गर्ने प्रहरी प्रमुख र प्रशासनिक नेतृत्वलाई निलम्बन गर्नुपर्ने लगायत माग अघि सारेको छ । त्यसबारे जानकारी दिदै अध्यक्ष लिङदेनले भन्नुभयो ।

राप्रपाले तीनकुने घटनामा दमन भएको भन्दै आफूहरुको माग सम्वोधन नभए आन्दोलनका थप कार्यक्रम गर्ने बताएको छ ।