राष्ट्रिय प्रजातन्त्र पार्टी राप्रपाले प्रधानमन्त्री सुशीला कार्कीसँग आज भेटवार्ता गरेको छ । भेटमा राप्रपाले दीर्घकालीन हित र राजनीतिक निकासका लागि राजा, राजनीतिक दल र जेनजी लगायतका पक्षहरुबिच सर्वपक्ष सम्मेलन गरि औपचारिक निकास दिन प्रस्ताव गरेको छ । 

राप्रपाको तर्फबाट अध्यक्ष राजेन्द्र लिङ्देनले प्रधानमन्त्री कार्कीलाई विभिन्न ५ बुँदे ज्ञापनपत्र बुझाउँदै सर्वपक्षीय बैठकको पहल लिन आग्रह गर्नुभएको छ । प्रधानमन्त्री कार्कीसँग छलफलपछि सञ्चारकर्मीसँग कुराकानी गर्दै अध्यक्ष लिङ्देनले अन्तरिम सरकारले देशलाई दीर्घकालीन निकास दिनुपर्ने बताउनुभयो । राप्रपाले आगामी निर्वाचनमा विदेशमा बस्ने नेपालीले मदतदान गर्न पाउने व्यवस्था गर्न माग गरेको छ ।