हेटौँडा सिमेन्ट उद्योग छ महिनापछि पुनः सञ्चालनमा आएको छ । उद्योगका यन्त्रको मर्मतसम्भार र कच्चा पदार्थको आपूर्ति भएपछि सिमेन्ट उत्पादनको प्रक्रिया शुरु गरिएको हो । 

उद्योगका निमित्त महाप्रबन्धक नवीनकुमार कर्णका अुनसार एक दुई दिनपछि सिमेन्ट उत्पादन थालिने छ । अब दैनिक रुपमा ६ सय क्विन्टल सिमेन्ट उत्पादन गर्ने लक्ष्य राखिएको छ । 

कर्णले नेपाल विद्युत् प्राधिकरणलाई बिजुली महसुल र कर्मचारीलाई पारिश्रमिकको व्यवस्था गर्न कठिन भएको अवस्थामा नयाँ यन्त्र खरिद गर्न नसकिने बताउनुभएको छ । उद्योगका समस्या समाधानमा सरकारले सघाउने उहाँले विश्वास व्यक्त गर्नुभयो ।