संयुक्त राष्ट्रसंघका महासचिव एन्टोनियो गुट्रेसले पाकिस्तानमा विनासकारी बाढीपछिको पुनर्निर्माणमा सहयोग गर्न अन्तर्राष्ट्रिय समुदायलाई आग्रह गर्नुभएको छ । गुट्रेसले क्षतिको अवलोकन गरेर पाकिस्तानको पुर्ननिर्माणमा सघाउनुपर्नेमा जोड दिनुभएको हो । उहाँले भन्नुभयो, क्षतिको बारेमा कुनै शंका छ भने, पाकिस्तान जानुहोस्, र पुर्ननिर्माणमा सहयता गर्नुहोस् । सन् २०२२ को जुन महिनामा भारी वर्षाका कारण अचानक आएको बाढीले पाकिस्तानमा ३ करोड ३० लाख मानिस प्रभावित भएका छन् । बाढीका कारण १ हजार ७ सय ३० भन्दा बढीको ज्यान गएको थियो ।