लेबनान र इजरायलबीच १० दिनको अस्थायी युद्धविराम सम्झौता भएको छ । युद्धविराम गएराति देखि लागु भएको हो । अमेरिकी राष्ट्रपति डोनाल्ड ट्रम्पले युद्धविराम भएको घोषणा गर्नु भएको हो ।

दुई देशबीच ३४ वर्षपछि भएको पहिलो औपचारिक वार्ताका कारण युद्धविराम सम्भव भएको ट्रम्पको भनाइ छ । आगामी १० दिन दुवै पक्षको प्रतिबद्धता परीक्षण गर्ने भनिएको छ ।

उल्लंघन नभए स्थायी शान्तिको मार्ग प्रशस्त हुने अपेक्षा गरिएको छ ।

लेबनानका राष्ट्रपति जोसेफ औनले ट्रम्पलाई धन्यवाद दिँदै स्थायी स्थिरताका लागि प्रयास गरिरहेको प्रतिक्रिया दिनुभएको छ ।

लेबनान सरकारले हिजबुल्लाहलाई शान्तिपूर्वक हतियार त्याग्न मनाउने प्रयास गरिरहेको जनाएको छ ।

हिजबुल्लाह नेता हसन फदलल्लाहले भनृ इजरायलले शत्रुतापूर्ण गतिविधि रोक्ने वा नरोक्ने आधारमा मात्र आगामी कदम तय हुने टिप्पणी गरेका छन् ।