संघीय लोकतान्त्रिक गणतन्त्रप्रति नै वितृष्णा जगाउने कसरत भइरहेको छ : प्रधानमन्त्री दाहाल
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2023/news/prachanda-1684410246.jpg&w=700&height=600)
जेष्ठ १५, २०८० | काठमाडौं
प्रधानमन्त्री पुष्पकमल दाहालले संघीय लोकतान्त्रिक गणतन्त्रप्रति नै वितृष्णा जगाउने र बलिदानीपूर्ण संघर्षबाट प्राप्त अधिकारलाई उल्ट्याउने कसरत भइरहेको आरोप लगाउनु भएको छ । गणतन्त्र दिवसका अवसरमा काठमाण्डौंको टुँडीखेलमा आयोजित समारोहलाई सम्बोधन गर्दै प्रधानमन्त्री दाहालले संविधान कार्यान्वयन र शासन सञ्चालनमा देखिने कतिपय कमजोरीलाई आधार बनाएर व्यवस्था र प्रणालीप्रति नै भ्रम छर्ने काम भइरहेको उल्लेख गर्नुभयो ।
आम जनताको जीवनमा गुणस्तर नआएसम्म लोकतन्त्र र गणतन्त्रको औचित्य नहुने बताउनु भएको छ । प्रधानमन्त्री दाहालले जनताको जीवन स्तरमा सुधार ल्याउने परिवर्तन नभएसम्म यसको कुनै औचित्य नहुने बताउनुभएको हो ।