गणतन्त्रको विकल्प छैनः कांग्रेस सभापति देउवा
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2023/politics/deuba-1701081242.jpg&w=700&height=600)
मंसिर ११, २०८० | काठमाडौं
कांग्रेस सभापति एवं पूर्वप्रधानमन्त्री शेरबहादुर देउवाले गणतन्त्रको विकल्प नभएको बताउनुभएको छ ।
चितवनको भरतपुर विमानस्थलमा आज पत्रकारहरूसँग कुरा गर्दै सभापति देउवाले गणतान्त्रिक व्यवस्था नबद्लिने बताउनुभएको हो । गणतन्त्रको विरोध गर्नेहरूको अर्थ नरहेको बताउँदै उहाँले गणतन्त्रविरोधी गतिविधिबाट राजनीतिक दलहरू नअत्तालिएको दाबी गर्नुभयो ।
वर्तमान सत्तारुढ गठबन्धन दलको सत्तासाझेदारीका विषयमा सोधिएको प्रश्नको भने देउवाले जवाफ दिनुभएन ।
त्यस्तै, कांग्रेस नेता डा. शशांक कोइरालाले राजतन्त्र फर्कने विषयमा आफूलाई विश्वास नलागेको प्रतिक्रिया दिनुभयो । सरकारको कामप्रति नागरिक पूर्णरुपमा सन्तुष्ट हुन नसक्दा मात्र प्रश्न उठेको उहाँको भनाइ थियो ।