अर्घाखाँचीको पटौटी कुडापानीमा भएको जीप दुर्घटनामा चालक पाल्पा रैनादेवी छहरा, ४ धजाबान्नेका  ३९  वर्षिय तारा वहादुर खत्रीको मृत्यु भएको छ ।  दुर्घटनामा घाइते भएका खत्रीको अस्पताल लैजादै गर्दा बाटोमा मृत्यु भएको प्रहरीले जनाएको छ ।

गाडीधनी पाणिनी गाउँपालिका मैदानका लेखबहादुर रास्कोटी र मैदानका टिकाबहादुर रास्कोटी घाइते भएका छन् । उनीहरुको पाल्पा तानसेनस्थित मिसन अस्पतालमा उपचार भइरहेको छ । अर्घाखाँचीको पाणिनी गाउँपालिका, ६ अमजाबाट वुटवलतर्फ गएको लु १ ज १७९५ नम्बरको जीप सडकदेखि करिब ५० मिटर तल खसेर रुखमा अड्किएको अवस्थामा फेला परेको प्रहरीले जनाएको छ ।