वडाध्यक्षको मोटरसाइकलमा आगजनी
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2019/miscellaneous/69722967_2210309365747945_8950418374043631616_n-03092019015710.jpg&w=700&height=600)
भाद्र १७, २०७६ | अर्घाखाँची
अर्घाखाँचीको छत्रदेव गाउँपालिका–७ का वडाध्यक्ष शोभाखर पाण्डे चढ्ने मोटरसाइकलमा अज्ञात समूहले आगजनी गरेका छन् । भगवती घर नजिकै बाटोको डिलमा पार्किङ गरी राखेको लु १ ब १६८८ नम्बरको सरकारी मोटरसाइकल मंगलवार बिहान ५ बजेतिर आगजनी भएको प्रहरीले जनाएको छ ।
मोटरसाइकलमा कसले र किन आगो लगायो भन्ने बारेमा अनुसन्धान भईरहेको प्रहरीले जनाएको छ । वडाध्यक्षसँग व्यक्तिगत रिसिबीका कारण कसैले वा नेत्रविक्रम चन्द समूहले आगो लगाएको हुन सक्ने प्रहरी नायव उपरीक्षक प्रकाश विष्टले बताउनुभयो । थप अनुसन्धान भईरहेको प्रहरीले जनाएको छ ।