बर्दियामा चार दिन यता हुस्सु र शितलहरले जनजीवन प्रभावित भएको छ । गत बिहीबारदेखि परेको शितलहर र हुस्सुले जनजीवन प्रभावित भएको हो ।

चिसो बढेसँगै जिल्ला अस्पतालमा निमोनिया, दम, रुघाखोकी लगायत बिरामीको संख्या समेत बढेको छ । गुलरियास्थित जिल्ला अस्पतालका अनुसार दैनिक ५० बढी दुई वर्ष मुनीका निमोनिया भएका शिशु उपचारका लागि पुग्ने गरेका छन् ।

यस्तै, शितलहर र बाक्लो हुस्सुले भिजिबिटि कम हुँदा सवारी साधन निकै कम संख्यामा गुडिरहेकोे जिल्ला ट्राफिक कार्यालयले जनाएको छ । स्थानीय प्रशासनले शीतलहरबाट जोगिन रेडक्रस लगायत संस्थासँग समन्वय गरिएको प्रमुख जिल्ला अधिकारी बेद प्रसाद खरेलले बताउनुभयो ।