कर्णाली प्रदेशको नीति तथा कार्यक्रम सार्वजनिक
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2024/news/karnaliprovince-1717590883.jpg&w=700&height=600)
जेष्ठ २३, २०८१ | सुर्खेत
कर्णाली प्रदेश सरकारले नीति तथा कार्यक्रम सार्वजनिक गरेको छ ।
प्रदेश सभाको चौथो अधिवेशनको छैटौं बैठकले आगामी आर्थिक वर्ष २०८१–०८२ को नीति तथा कार्यक्रम सार्वजनिक गरेको हो ।
प्रदेश प्रमुख तिलक परियारले आगामी आर्थिक वर्षको नीति तथा कार्यक्रम प्रदेशसभामा पेश गर्नुभएको हो ।
कर्णाली प्रदेशले स्वस्थ माटो, स्वस्थ जिवन भन्ने नाराका साथ माटो परीक्षणलाई व्यापकता दिइने नीति तथा कार्यक्रममा उल्लेख गरेको छ ।
स्थानीय स्तरमा गुणस्तरीय प्राङगारिक मल उत्पादन प्रविधीका लागि एक पालिका एक कृषक पाठशाला सञ्चालन गरिने सरकारी नीति छ ।
भूकम्प प्रतिरोधी आवास निमार्णका लागि दक्ष कामदार तयार गर्न आवश्यक तालिम प्रदेशका सबै जिल्लामा सञ्चालन गरिने नीति तथा कार्यक्रममा समावेश गरिएको छ ।
त्यस्तै प्रदेश र जिल्ला अस्पतालमा जेष्ठ नगारिक र अशक्त अपाङगता भएकाहरुको लागि छुट्टै वार्डको व्यवस्था गरिने नीति तथा कार्यक्रममा तय गरिएको छ ।