रुपन्देहीको बुटवलमा मोटरसाइकल र स्कूटर आसपमा ठोकिदा एक जनाको मृत्यु भएको छ । दुई जना घाइते भएका छन् । 

दुर्घटनामा स्कूटर चालक बुटवल उपमहानगरपालिका–१३ बस्ने २३ वर्षीय अंकित पाठकको मृत्यु भएको इलाका प्रहरी कार्यालयका प्रमुख विजयराज पण्डितले बताउनुभयो । 

सोमबार बिहान करीब ५ बजेतिर पूर्वबाट पश्चिमतर्फ जाँदै गरेको लु १९ प ८८७५ रनम्बरको मोटरसाइकल र सोही दिशामा रहेको लु ८५ प ३३१३ नम्बरको स्कूटर बेलबास चोकमा आपसमा ठोक्किएका थिए । 

दुर्घटनाबाट गम्भीर घाइते भएका स्कूटरका चालक पाठकको बुटवलस्थित लुम्बिनी प्रादेशिक अस्पतालमा उपचारको क्रममा प्रहरीले जनाएको छ । 

स्कूटरमा पछाडि सवार ४२ वर्षीया आमा गौमुखी पाठक गम्भीर घाइते भएकी छन् । उनी मृतक पाठककी आमा हुन् । उनको लुम्बिनी प्रादेशिक अस्पतालमा उपचार भइरहेको छ । 

मोटरसाइकलका चालक कपिलवस्तुको वाणगंगा–४ निवासी १८ वर्षीय सागर थारुको सोही अस्पतालमा पनि उपचार भइरहेको प्रहरीले जनाएको छ ।