पाँचथरमा जारी फाल्गुनन्द गोल्डकप फुटबल प्रतियोगिताको सेमिफाइनल समिकरण पूरा भएको छ । 

अन्तिम क्वाटरफाइनलमा आज सिरहाको सहलेश युवा क्लबलाई टाइब्रेकरमा ५–४ गोलले पराजित गर्दै काठमाडौंको न्यूरोड टीम एनआरटी सेमिफाइनल प्रवेश ग¥यो । दुवै टोलीले निर्धारित र अतिरिक्त समयमा गोलरहित बराबरी खेलेपछि खेलको निर्णय टाइब्रेकरबाट गरिएको हो ।

 एनआरटीले अब दोस्रो सेमिफाइनलमा मच्छिन्द्र फुटबल क्लबसँग प्रतिस्पर्धा गर्नेछ । भोलि हुने पहिलो सेमिफाइनलमा चर्च ब्वाइज युनाइटेडले आयोजक फिदिम स्पोर्टिङ क्लबसँग प्रतिस्पर्धा गर्नेछ । प्रतियोगिताको फाइनल खेल आगामी सोमबार हुनेछ ।