मध्यपहाडी लोकमार्ग अन्र्तगत खोटाङका विभिन्न स्थानमा पहिरो खस्दा सो क्षेत्रको यातायात अवरुद्ध बनेको छ ।

हलेसी तुवाचुङ नगरपालिका–१ बाहुनीडाडाँका दुई र ३ च्यास्मिटारका एक ठाउँ गएको पहिरोको कारण मध्यपहाडी लोकमार्गको यातायात अवरुद्ध भएको हो ।

हलेसी तुवाचुङ नगरपालिकाका प्रवक्ता कमल गिरीका अनुसार बाहुनीडाडाँको गोरुमारेमुनि र डौठेखोलामा पहिरो खसेको छ । त्यस्तै च्यास्मिटारको जोरसिमलमा पनि पहिरो खसेको गिरीले जानकारी दिनुभयो ।

सडक अबरुद्ध भएपछि काठमाडौं तथा तराईका शहरहरूबाट आएका गाडी डौठे खेलामा र दिक्तेल–भोजपुरतिरबाट छुटेको गाडी हलेसीमा रोकिएका छन् ।