पृथ्वीराजमार्ग अन्तर्गत तनहुँको बन्दीपुरमा मोटरसाइकल दुर्घटनामा हुँदा एक युवकको मृत्यु भएको छ । 

बन्दीपुर गाउँपालिका–५ याम्पाफाँटमा आइतबार बिहान मोटरसाइकल दुर्घटना हुँदा महोत्तरीको जलेश्वर घर भई हाल व्यास नगरपालिका–२ दमौलीमा बस्दै आएका २२ वर्षीय सुमित साहको मृत्यु भएको हो । 

साह सवार बाग्मती प्रदेश २–०२–००३९९४२ नम्बरको मोटरसाइकल अनियन्त्रित भई दुर्घटना हुँदा उनको घट्नास्थलमै मृत्यु भएको प्रहरीले जनाएको छ । 

मोटरसाइकल र चालक सडकबाट करीब १५ मिटर तल भेटिएको जिल्ला प्रहरी कार्यालयका प्रहरी निरीक्षक विकास पासवानले जानकारी दिनुभयो ।