बागलुङको जैमिनी नगरपालिका–८ को ढुंगाखानी भन्ने स्थानमा जिप दुर्घटनामा हुँदा ५ जनाको मृत्यु भएको छ । एक जना घाइते भएका छन् । 

केवै भन्ने गाउँदेखि बियाडथला हुँदै सदरमुकाम जान लागेको ग २ च ९२४७ नम्बरको जिप ढुंगाखानीको भीरबाट खसेको हो । जिपमा सवार ५ जनाकै मृत्यु भएको प्रहरीले जनाएको छ । 

मृतकको सनाखत हुन बाकी जिल्ला प्रहरी कार्यालयका प्रहरी निरीक्षक केशव थापाले बताउनुभयो । घटनास्थलमा स्थानीय र प्रहरीले उद्दार गरिरहेका छन् । 

प्रहरी चौकी छिस्तीबाट गएको टोलीले मृतकको सनाखत गर्ने थापाले जानकारी दिनुभयो । एक जनाको जिवितै उद्दार गरी धौलागिरि अस्पताल ल्याउने तयारी भएको छ । घटनास्थल सदरमुकामदेखि झण्डै ४० किलोमिटर दक्षिणमा पर्छ ।