मकवानपुरको हेटौंडामा अटो रिक्साको ठक्करबाट एक जनाको मृत्यु भएको छ ।

अटोरिक्साले ठक्कल दिँदा मनहरी गाउँपालिका–३ सुकौराका ४२ वर्षीय मनोज लामाको मृत्यु भएको प्रहरीले जनाएको छ ।

घाइते लामालाई अटो चालक प्रेमबहादुर सिन्तानले नै उपचारका लागि हेटौंडा अस्पताल लगेका थिए ।

उपचारकै क्रममा उनको मृत्यु भएको प्रहरीले जनाएको छ । ठक्कर दिने चालक सिन्तानलाई प्रहरीले नियन्त्रणमा लिएको छ ।