कालिकोटको शुभकालिका १ गगने खोलाको पहिरोले फेरि कर्णाली राजमार्ग अवरुद्ध भएको छ । 

वर्षा हुने बित्तिकै लेदो र ढुङ्गा सहित झर्ने पहिरोले यात्रुलाई सास्ती हुने गरेको छ ।

पहिरोले मंगलबार बेलुकी अवरुद्ध सडक हिजो दिउँसो खुले पनि रातिको वर्षाले पहिरो झरेपछि पुन अवरुद्ध भएको कालिकोटका डिएसपी टेक बहादुर रावतले जानकारी दिनुभयो । 

उहाँका अनुसार असार यता २७ पटक गगने मै पहिरो झरेर ३४ दिन सडक अवरुद्ध भएको छ । 

पहिरो पन्छाउने काम भईरहेको र पानी रोकिएपछि दिउँसोसम्म सडक खुल्ने रावतले जानकारी दिनुभयो ।