बाजुराको विकट हिमाली गाउँपालिका–३ बिच्छ्या“मा आइतबार रुखमा च्यापिएर घाइते भएका दुुई जनालाई सोमबार बिहान नेपाली सेनाको हेलिकोप्टरबाट उद्दार गरिएको छ । 

घाइते स्थानीय ४८ वर्षीय सिदुपुरी रोकाया र ३० वर्षीय पर्मलाल सुनारको आइतबार हेलिकोप्टर नपाएर उद्दार हुन सकेको थिएन । घाइतेहरुलाई उपचारका लागि सोमबार बिहानै सुर्खेत पठाइएको बाजुराका प्रमुख जिल्ला अधिकारी मेघनाथ पाध्याले बताउनुभयो । 

रुखमा च्यापिएर हिमाली गाउँपालिका–३ का ४३ वर्षीय सुपधन बुढाको घटनास्थलमै मृत्यु भएको थियो । गाउँमा बिजुली पुर्‍याउनका लागि काठको पोल बनाउन सल्लाको रुख काट्दै गर्दा रुखमा च्यापिएर एक जनाको घटनास्थलमै मृत्यु भएको थियो भने रोकाया र सुनार घाइते भएका थिए ।