काठमाडौंमा जारी एभरेस्ट महिला भलिबल लिगमा काठमाडौं स्पाईकर्सले पोखरा निन्जाजलाई हराएको छ ।

त्रिपुरेश्वस्थित राखेपको कभर्ड हलमा आज भएको खेलमा काठमाडौंले पोखरालाई ३–१ को सेटमा हराएको हो । 

पोखराविरुद्ध काठमाडौं २५–१९, २५–१७, १२–२५, २५–१८ ले विजयी भयो ।

चार खेल खेल्दा दोस्रो जित निकालेको काठमाडौं ६ अंक जोडेर तालिकाको तेस्रो स्थानमा उक्लेको छ । 

पोखराले भने पाँचै खेल खेलिसक्दा जम्मा १ जित ४ हारका साथ ४ अंक जोडेर लिग सकाएको छ ।