नेपालको संविधान (दोस्रो संशोधन) २०७७ राजपत्रमा प्रकाशित
रेडियो कान्तिपुर संवाददाता
असार ५, २०७७ | काठमाडौं
सरकारले जारी गरेको नयाँ नक्सा निसान छापमा समेट्ने सम्बन्धी संविधान संशोधन विधेयक राष्ट्रपतिबाट प्रमाणीकरण भएसँगै नेपाल राजपत्रमा प्रकाशित भएको छ ।
दुबै सदनबाट सर्वसम्मत रुपमा संशोधन प्रस्ताव भएपछि बिहीबार राष्ट्रपति विद्यादेवी भण्डारीले संविधान संशोधन विधेयक प्रमाणीकरण गर्नु भएको थियो ।
सर्वसाधारणको जानकारीका लागि नेपाल राजपत्रमा बिहीबार नै नेपालको संविधान (दोस्रो संशोधन) २०७७ प्रकाशित भएको हो ।
राष्ट्रपति भण्डारीले प्रमाणीकरण गरेसँगै नेपालको संविधान (दोस्रो संशोधन) २०७७ लागू भइसकेको छ ।
प्रतिनिधिसभाबाट जेठ ३१ र राष्ट्रिय सभाबाट असार ४ गते संविधान संशोधन विधेयक सर्वसम्मतिले पारित भएको थियो ।
