स्वास्थ्य तथा जनसंख्या मन्त्री प्रदीप पौडेलले छरिएका स्वास्थ्य सहयोग कार्यक्रमलाई स्वास्थ्य बीमा बोर्ड अन्तर्गत ल्याइ कार्यान्वयन गर्नुपर्ने बताउनुभएको छ । सातौं सामाजिक सुरक्षा दिवसको अवसरमा काठमाडौंमा आयोजित कार्यक्रमलाई सम्बोधन गर्दे मन्त्री पौडेलले कानून नै बनाएर एकीकृत गर्नसके झनै राम्रो हुने उल्लेख गर्नुभयो । लक्षितवर्ग छुट्याउन सके मात्रै थप सुविधा दिन सकिने उहाँको भनाई थियो ।

स्वास्थ्य क्षेत्रमा छरिएर रहेका कयौँ कार्यक्रमलाई कानून संशोधन गरी एकीकृत गरेर स्वास्थ्य बीमा बोर्ड अन्तर्गत चलाउन आवश्यक रहेको उहाँले बताउनुभयो । सामाजिक सुरक्षा र स्वास्थ्य बीमा दुवैतर्फ छरिएर रहेका कार्यक्रमलाई एकीकृत गरेर जान सके नागरिकले जस्तोसुकै गम्भीर रोग लाग्दापनि पैसाको अभावमा उपचार नपाउने अहिलेको स्थिति अन्त्य हुने मन्त्रीपौडेलको भनाइ थियो । स्वास्थ्यमन्त्री पौडेलले यसअघि नै स्वास्थ्य बिमाको रकम बढाएर ५ लाख पु¥याउने घोषणा गर्नु भएको छ ।