महोत्तरीस्थित एनएमबी बैंकको शाखामा लुटपाट
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2023/news/KFM-1674724114.jpg&w=700&height=600)
जेष्ठ १६, २०८० | महोत्तरी
महोत्तरीस्थित एनएमबी बैंकको शाखा कार्यालयमा लुटपाट भएको छ । महोत्तरी गाउँपालिका–२, महोत्तरी बजारस्थित एनएमबी बैंकको शाखामा हिजो मध्यान्ह १२ बजेतिर लुटपाट भएको प्रहरीले जनाएको छ । जिल्ला प्रहरी कार्यालय महोत्तरीका एसपी प्रकाश मल्लका अनुसार ४ जनाको लुटेरा समूहले कर्मचारीलाई पेस्तोल देखाएर करीब ३५ लाख रुपैयाँ लुटेका हुन् ।
लुटिएको रकममा २/३ लाख तलमाथि हुनसक्ने बैंकलाई उदृत गर्दै प्रहरीले जनाएको छ । बैंक लुटेपछि उनीहरु मोटरसाइकलमा भागेका थिए । फरार भएकाको प्रहरीले अहिले विभिन्न ठाउँमा सर्च अभियान जारी राखेको एसपी मल्लले बताउनुभयो ।