सुनको मूल्य अहिले सम्मकै उच्च विन्दुमा
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2023/money/goldai-1701702074.jpg&w=700&height=600)
मंसिर १८, २०८० | काठमाडौं
नेपाली बजारमा सुनको मूल्य अहिले सम्मकै उच्च विन्दुमा पुगेको नेपाल सुनचांदी व्यवसायी महासंघले जनाएको छ ।
आज छापावाल सुनको मूल्य प्रतितोला १ लाख २१ हजार ६ सय रुपैयाँ कायम भएको छ ।
हिजो छापावाल सुनको मूल्य प्रतितोला १ लाख २० हजार ८ सय र तेजावी सुनको मूल्य प्रतितोला १ लाख २० हजार २ सय रुपैयांमा कारोबार भएको थियो । आज तेजाबी सुन प्रतितोला १ लाख २१ हजार १ सय रुपैयांमा कारोबार भएको छ ।
त्यस्तै आज चांदी भने तोलाको १ हजार ५ सय ४५ रुपैयांमा कारोबार भएको छ । मंसिर १ गते छापावाल सुन प्रतितोला १ लाख १४ हजार ९ सय ५० रुपैयांमा कारोबार भएको थियो । त्यसपछि भने सुनको मूल्य लगातार बढेको छ ।