अरुण तेश्रोमा राष्टिय मानव अधिकार आयोगको चासो
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2024/news/humanrights-1716127512.jpg&w=700&height=600)
जेष्ठ ६, २०८१ | काठमाडौं
संखुवासभामा निर्माणाधिन ९ सय मेगावाट क्षमताको अरुण तेश्रो जलविद्युत आयोजना क्षेत्रमा स्थानीयले आफ्ना मागबारे उजुरी गरेपछि राष्ट्रिय मानव अधिकार आयोगले सो क्षेत्रको अनुगमन गरेको छ ।
आयोगका सदस्य मनोज दुवाडीको टोलीले आज अरुण तेश्रोको पावर हाउस स्थलसम्मको २४ किलोमिटर सडक खण्डको स्थलगत अनुगमन गरेको हो ।
अनुगमनपछि आयोगले सदरमुकाम खांदबारीमा पीडित र सरोकारवाला बीच छलफल गरेर गुनासो समेत संकलन गरेको छ ।
मुआव्जा पीडितले आयोगमा ३ महिना अघि उजुरी दिएका थिए । जिल्ला प्रशासन कार्यालय संखुवासभामा गठित छुट मुआब्जा निर्धारण समितिले गत बर्ष आयोजना प्रभावित क्षेत्रमा स्थानीयलाई प्रति रोपनी ११ लाख ७५ हजार दिने मुआब्जा दिने निर्णय गरेको थियो । तर अझै सो रकम नपाएको पीडितले बताएका छन् ।