अंग्रेजी नयाँ वर्षको अवसरमा रेस्टुरेन्ट एन्ड बार एसोसियसन (रेवान) पोखराले लेकसाइडमा आयोजना गर्ने पोखरा सडक महोत्सवको २६ औं संस्करण आगामी पुस १३ देखि १७ सम्म हुने भएको छ । अंग्रेजी नयाँ वर्षको गन्तव्यस्थलको रुपमा पोखरालाई प्रवद्र्धन गर्ने उद्देश्यले लेकसाइडको तीन किलोमिटर क्षेत्रमा यो महोत्सव हुँदै छ ।

रेवान पोखराले ‘सडकमै खाऔं, सडकमै नाचौं, सडकमै रमाऔं’ भन्ने नाराका साथ हरेक वर्ष महोत्सव आयोजना गर्दै आएको छ । पोखरामा आयोजित पत्रकार सम्मेलनमा महोत्सव संयोजक विकास भट्टराईले बसुन्धरा पार्कदेखि गैह्राको चौतारासम्मको क्षेत्रमा सडक महोत्सव आयोजना हुने जानकारी दिनुभयो ।