उत्तर कोरियाले हिजो क्रुज मिसाइलहरुको प्रक्षेपण गरेको छ । नेता किम जोङ उनले हिजो लामो दूरीका रणनीतिक क्रुज मिसाइलको प्रक्षेपणको निरीक्षण गर्नुभएको त्यहाँको राष्ट्रिय मिडिया केसीएनएले आज बताएको हो ।

सो प्रक्षेपण किमद्वारा अवलोकन गरिएको पछिल्लो ताजा घटना हो ।

सन् २०२६ को सुरुमा आयोजना हुने प्रमुख पार्टीको अधिवेशनअघि किमले देशको सैन्य र आर्थिक प्रगतिलाई महत्व दिनुभएको छ ।

सो प्रक्षेपण त्यसैको सिलसिला भएको समाचार संस्था रोयटर्सको टिप्पणी छ । क्रुज मिसाइलको कोरियाली प्रायद्वीपको पश्चिमी समुद्रमाथि गरिएको सफल परीक्षणपछि नेता किमले ठूलो सन्तुष्टि व्यक्त गरेको केसीएनएले बताएको छ ।

किमले न्यूक्लियर बम निस्तेज पार्न नियमित रूपमा जाँच गर्नु जिम्मेवार अभ्यास भएको बताउनुभएको छ ।

उहाँले उत्तर कोरियाले विभिन्न सुरक्षा खतराको सामना गरिरहेको सन्दर्भ उल्लेख गर्दै यस्तो बताउनुभएको हो ।

यता उत्तर कोरियाको क्रुज मिसाइल प्रक्षेपणपछि दक्षिण कोरियाको जोइन्ट चिफ्स अफ स्टाफले प्योङयाङ नजिकको सुनान क्षेत्रबाट धेरै क्रुज मिसाइलको प्रक्षेपण भएको पत्ता लागेको पुष्टि गरेका छन् ।