चित्रकला प्रदर्शनीबाट परोपकार गर्दै शिवाङ्गिनी
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2022/news/art-1663152636.jpg&w=700&height=600)
भाद्र २९, २०७९
युवा कलाकार शिवाङ्गिनी राणाले एकल चित्रकला प्रदर्शनी गरेर सङ्कलन गरेको रम बालबालिकाको क्षेत्रमा काम गर्ने गैर सरकारी संस्था र बालबालिकाको शिक्षामा खर्चेकी छन् । काठमाडौंको भिल्ला–७२ उत्तर ढोकामा ‘पृथ्वी: मभित्रको संसार’ शीर्षकमा आयोजित चित्रकला प्रदर्शनीबाट उठेको २ लाख ५० हजार रुपैयाँ उनले बालबालिकाको शिक्षामा समर्पित गरेकी हुन् ।
प्रदर्शनीमा राखिएका चित्रमध्ये १५ वटा बिक्री भएका थिए । कुल ३२ वटा चित्र प्रदर्शनीमा राखिएका थिए । ग्रामिण क्षेत्रमा मानसिक स्वास्थ्य समस्या झेलिरहेकाहरुको सहयोगार्थ आयोजित यो नै पहिलो चित्रकला प्रदर्शनी भएको आयोजक युनिटी इन हेल्थले जनाएको छ ।
राणाको अर्को प्रदर्शनी आगामी सन् २०२३ को मार्चमा अमेरिकाको न्युयोर्कमा हुनेछ ।