गुल्मीको रेसुङगा नगरपालिका वडा नम्बर १० छहरामा जिप दुर्घटना हुँदा ३ जनाको मृत्यु भएको छ । 

वुटवल गुल्मीको सदरमुकाम तक्घास जाँदै गरेको लु १ ज ४४९० नम्बरको जिप अनियन्त्रित भई दुर्घटना हुँदा मुसिकोट नगरपालिकाका ७० वर्षका क्षेत्र बहादुर थापा, ४६ वर्षकी राधिका थापा र १९ वर्षकी संगिता सुनारको उपचारका क्रममा जिल्ला अस्पताल तम्घासमा मृत्यु भएको जिल्ला प्रहरी कार्यालय गुल्मीले जनाएको छ । 

दुर्घटनामा ६ जना घाइते भएका छन् । जिप सडकबाट करीब ५ सय मिटर तल खसेको प्रहरीले जनाएको छ ।