काभ्रेको रोशी गाउँपालिका–११ मा दुई सवारी आपसमा ठोक्किदा एक बालकसहित ५ जनाको मृत्यु भएको छ । भारतीय पर्यटक बोकेको मिनि बस र सिन्धुलीबाट काठमाडौं आउँदै गरेको सुमो आज दिउँसो ठोक्किदा दुर्घटना भएको जिल्ला प्रहरी कार्यालय काभ्रेका डिएसपी हरि खतिवडाले जानकारी दिनुभयो ।

दुर्घटनामा मृत्यु भएकामा सिन्धुलीको कमलामाई नगरपालिका ६ रामपुरका ३० वर्षिय बिक्रम श्रेष्ठ, खाडादेवी गाउँपालिका ३ रामेछापकी सम्झना भुसाल, उनका ६ बर्षीय छोरा संगीत भुसाल, सुनकोशी गाउँपालिका १ सिन्धुलीका ४४ बर्षीया प्रमिला नेपाली, सुमो चालक कमलामाई नगरपालिका ४ सिन्धुलीका हरिवहादुर बल रहेका छन् । 

दुर्घटनामा घाइते भएका १९ जनाको धुलिखेल अस्पतालमा उपचार भइरहेको हाम्रा सहकर्मी नगेन्द्र अधिकारीले जनाएका छन् ।