ताप्लेजुङको निर्वाचन क्षेत्र नम्बर १ मा नेकपा एमालेका सचिव योगेश कुमार भट्टराई निर्वाचित हुनु भएको छ । सत्ता गठबन्धनबाट नेकपा माओवादी केन्द्रका उम्मेदवार खेलप्रसाद बुढाक्षेत्रीलाई २ सय ८ मतान्तरले पराजित गर्दै एमालेका भट्टराई प्रतिनिधि सभा सदस्यमा निर्वाचित हुनु भएको हो । 

भट्टराईले २१ हजार ९ सय ४३ मत प्राप्त गर्नु भयो भने उहाँका प्रतिद्वन्द्वी माओवादी केन्द्रका बुढाक्षेत्रीले २१ हजार ७ सय ३५ मत प्राप्त गर्नुभयो । ताप्लेजुङ क्षेत्र नम्बर १ बाट २०७४ को निर्वाचनमा पनि भट्टराई विजयी हुनु भएको थियो । 

गत निर्वाचनमा भट्टराईले २९ हजार ४ सय ७९ मत ल्याएर विजयी हुनु भएको थियो । उहाँका प्रतिद्वन्द्वी नेपाली कांग्रेसका उम्मेदवार केशव दाहालले १६ हजार ८ सय ८८ मत पाउनु भएको थियो ।