लुम्बिनी प्रदेश सभाको बैठक पर्सि शुक्रबारसम्मका लागि सरेको छ । लुम्बिनी प्रदेश सभाका सचिव दुर्लभ कुमार पुनले एक सूचना प्रकाशित गर्दै बिहीबारका लागि आहृवान गरिएको प्रदेश सभाको बैठक पर्सि शुक्रबारका लागि सारिएको जानकारी दिनु भएको हो । 

बिहीबार दिउँसो १ बजे बस्ने भनिएको प्रदेश सभाको बैठक विशेष कारणले स्थगित भएको सूचनामा उल्लेख छ । शुक्रबार बिहान ११ बजे बस्ने बैठकमा सरकारले आगामी आर्थिक वर्षको नीति तथा कार्यक्रम पेश गर्ने तयारी छ । 

असार १ गते प्रदेश सरकारको आगामी आर्थिक वर्षको बजेट ल्याउनुपर्ने कानूनी व्यवस्था रहेकाले त्यसअघि नीति तथा कार्यक्रम सार्वजनिक गर्ने सरकारले तयारी गरेको हो ।