रौतहटको चन्द्रपुर नगरपालिका–५ स्थित जगत पेट्रोल पम्प नजिकै बसको ठक्करबाट शनिबार एक पैदल यात्रीको मृत्यु भएको छ । 

बसको ठक्करबाट चन्द्रपुर–५ का ५५ वर्षीय मोधनाथ पौडेलको मृत्यु भएको इलाका प्रहरी कार्यालय चन्द्रनिगाहपुरले जनाएको छ । 

सर्लाहीबाट नारायणघाट तर्फ जाँदै गरेको बा ३ ख ३४४५ नम्बरको बसले पैदल यात्री पौडेललाई ठक्कर दिएको थियो । 

घाइते पौडेललाई चन्द्रपुरस्थित सरकारी अस्पताल लगिएकोमा उपचारको क्रममा मृत्यु भएको प्रहरीले जनाएको छ । 

बस चालक चन्द्रपुर–४ निवासी ३६ वर्षीय विजय राईलाई प्रहरीले नियन्त्रणमा लिएको छ ।