पूर्वी नवलपरासीमा बाघको आक्रमणमा परेर एक पुरुषको मृत्यु भएको छ ।

 बिनयी त्रिवेणी गाउँपालिका १ का ६३ वर्षीय जीव बहादुर थिङको बाघको आक्रमणबाट मृत्यु भएको हो । 

तिनचुली मध्यवर्ती सामुदायिक बनमा घाँस काट्न जाँदा थिङलाई बाघले आक्रमण गरेको जिल्ला प्रहरी कार्यालय पुर्वी नवलपरासीका डिएसपी जेसी शाहले बताउनुभयो । 

गाउँलेसंगै घाँस काट्न गएका थिङको घटनास्थलमा नै मृत्यु भएको हो । यो क्षेत्रमा अघिल्लो वर्षपनि बाघको आक्रमण बाट तीन जना स्थानीयको मृत्यु भएको थियो ।