झाडापखाला तथा हैजाको प्रकोप फैलिएको पर्सामा संक्रमण दर घट्दो र हैजा नियन्त्रण उन्मुख रहेको दाबी सरोकारवालाले गरेपनि हैजा संक्रमित र झाडापखालाका बिरामीको संख्या भने थपिदै गएको छ ।

वीरगन्ज महानगरपालिकाको कार्यालयले आज सार्वजनिक गरेको नयाँ तथ्यांक अनुसार, वीरगन्ज महानगर क्षेत्रमा मात्रै हैजा संक्रमितको संख्या १ सय ५९ पुगी सकेको छ । उता पोखरिया अस्पतालमा सम्पर्कमा आएका मध्येमा पनि हैजा संक्रमितको सख्ंया १६ पुगि सकेको छ ।

वीरगन्ज र पोखरियामा गरी जिल्लामा अब हैजा संक्रमितको संख्या १ सय ७५ पुगेको छ । त्यस्तै प्रकोप फैलिन नदिन भन्दै वीरगन्ज महानगरपालिकाले शैक्षिक संस्था बन्द गरेको छ ।