नेपाल सुपर लिग फुटबलः काठमाडौं र झापाबीच गोलरहित बराबरी
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2023/sports/nsl-1701701678.jpg&w=700&height=600)
मंसिर १८, २०८० | काठमाडौं
नेपाल सुपर लिग फुटबलमा आज भएको खेलमा साविक विजेता काठमाडौं रेजर्स फुटबल क्लब र नवप्रवेशी टिम झापा फुटबल क्लबबीच गोल रहित बराबरी खेलेका छन् ।
काठमाडौंको त्रिपुरेश्वरस्थित दशरथ रंगशालामा भएको खेलमा दुवै टोलीले गोल गर्ने अवसर पाए पनि त्यसको सदुपयोग गर्न भने सकेनन् ।
बराबरीसँगै दूवै टोलीलले एक एक अंक बाँडे । यो सँगै काठमाडौंले ३ खेलबाट ५ अंक बनाउँदा झापा एफसीले पनि समान खेलबाट २ अंक जोडेको छ ।
काठमाडौंले यसअघि खेलेका २ मध्ये एक खेलमा जित हात पार्दा, एकमा बराबरीको नतिजा ल्याएको थियो । झापाले भने खेलेका दुई मध्ये एकमा बराबरी खेल्दा, अर्को खेलमा हार व्यहोरेको थियो ।