एसीसी प्रिमियर कपमा नेपालले कतारको सामना गर्दै
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2024/sports/kushal1-1712984718.jpg&w=700&height=600)
वैशाख १, २०८१ | काठमाडौं
एसीसी टी–२० प्रिमियर कप क्रिकेट प्रतियोगितामा नेपालले आज कतारको सामना गर्दैछ । ओमानको अल अमिरात क्रिकेट मैदान–‘ए’ मा हुने नेपाल र कतारबीचको खेल नेपाली समय अनुसार अपराह्न सवा चार बजे सुरु हुनेछ ।
नेपाल आज दोस्रो जितको लक्ष्यमा छ । यसअघि हिजो भएको आफ्नो पहिलो खेलमा नेपालले मलेसियालाई पाँच विकेटले हराएको थियो ।
मलेसियाले दिएको १ सय ४४ रनको लक्ष्य पछ्याएको नेपालले चार बल बाँकी रहँदा पाँच विकेट गुमाएर जित दर्ता गरेको हो । मलेसियाले निर्धारित २० ओभरमा तीन विकेटको क्षतिमा १ सय ४३ रन बनाएको थियो ।