ललितपुर मेयर्स कप टी–ट्वान्टी क्रिकेट प्रतियोगितामा एपीएफ क्लबले लगातार चौथो जित निकालेको छ । यसअघि नै फाइनल पुगेको एपीएफले आज भएको खेलमा सुदूरपश्चिम प्रदेशलाई ३ विकेटले पराजित ग¥यो ।

कीर्तिपुरस्थित त्रिवि क्रिकेट मैदानमा सुदूरपश्चिम प्रदेशले दिएको १ सय १२ रनको लक्ष्य एपीएफले १९ दशमलव ४ ओभरमा ७ विकेटको क्षतिमा पूरा गरेको हो ।

शीर्ष स्थानका ब्याटर चल्न नसकेको खेलमा एपीएफको जितमा मध्यक्रममा मैदान प्रवेश गरेका ममता चौधरीले ३२, रोमा थापाले २३ तथा सरिता मगरले १९ रन बनाइन् ।

सुदूरपश्चिमका लागि लक्ष्मी साउदले २, कविता जोशी, जानकी थापा ऋितु कनौजिया, स्नेहा महरा र विन्दु रावलले समान १÷१ विकेट लिए । त्यसअघि सुदूरपश्चिम प्रदेशले ९ विकेट  गुमाउँदै   १ सय ११ रन बनाएको थियो ।

उसका लगि कप्तान बिन्दु रावलले सर्वाधिक ३६ रनको योगदान गरिन् । रुवि पोदार २९ रन बनाएर आउट भईन् भने कविता जोशीले नटआउट २९ रन जोडिन् ।

फाइनल पुग्ने अर्को टोलीको भने टुंगो लाग्न बाँकी छ ।