क्यानडामा हुने आसन्न त्रिकोणात्मक सिरिजको तयारीका लागि नेपाली राष्ट्रिय क्रिकेट टोली भारत प्रस्थान गरेको छ । एकदिवसीय विश्वकप क्रिकेटको छनोटका रुपमा लिइएको लिग–२ अन्तर्गत आगामी सेप्टेम्बरमा क्यानडामा हुने त्रिकोणात्मक सिरिजको तयारीका लागि नेपाली क्रिकेट टोली भारत प्रस्थान गरेको हो । 

टोली आज बिहान त्यसतर्फ प्रस्थान गरेको नेपाल क्रिकेट संघले जनाएको छ । राष्ट्रिय टोलीले बैंगलोरको राष्ट्रिय क्रिकेट एकेडेमीमा दुई साता प्रशिक्षण गर्नेछ । प्रशिक्षणपछि त्रिकोणात्मक सिरिजका लागि टोली उतैबाट क्यानडा जाने संघले जनाएको छ । 

लिग–२ अन्तर्गतको दोस्रो सिरिजमा नेपालले क्यानडा र ओमानसँग खेल्ने तालिका छ । यसअघि लिग–२ अन्तर्गतको पहिलो सिरिज नेपालले घरेलु भूमिमा नामिबिया र नेदरल्यान्ड्ससँग खेलेको थियो । सो सिरिजमा नेपालले एक खेलमा मात्रै जित हात पारेको थियो ।