दोस्रो संस्करणको ताप्लेजुङ गोल्डकप फुटबलको उपाधि मोरङको सगरमाथा युथ क्लबले जितेको छ ।

ताप्लेजुङ सदरमुकाम फुङलिङस्थित भानुजन माविको मैदानमा सम्पन्न खेलमा सिराहाको सलहेश युथ क्लबलाई १–० गोल अन्तरले पराजित गर्दै मोरङले उपाधि हात पारेको हो ।

खेलको तेस्रो मिनेटमा सगरमाथाका लागि विजय भुजेलले गरेको गोल निर्णायक बन्यो ।

उपाधि विजेता सगरमाथा क्लबले ५ लाख रुपैया प्राप्तगर्दा उपविजेता बनेको सलहेश क्लबले २ लाख ५१ हजार रुपैयाँमा चित्त बुझाएको छ । प्रतियोगितामा ८ क्लबले सहभागीता जनाएका थिए ।