श्रीलंकामा जारी काभा यू–२० पुरुष भलिबल च्याम्पियनसिपको दोस्रो खेलमा नेपाल उज्वेकिस्तानसँग पराजित भएको छ ।

आज भएको खेलमा उज्वेकिस्तानले नेपाललाई ३–१ को सेटमा हराएको हो । पहिलो खेलमा नेपालले घरेलु टोली श्रीलंकालाई ३–० को सोझो सेटमा पराजित गरेको थियो । 

नेपालले श्रीलंकामाथि २५–१४, २५–२३ र २८–२६ ले जित निकाल्यो । नेपाली टोलीले आफ्नो तेस्रो खेलमा भोलि माल्दिभ्सको सामना गर्नेछ ।

नेपालले चौंथो खेल असोज २४ मा कीर्गिस्तानसँग खेल्नेछ । प्रतियोगिताको शीर्ष दुईबीच असोज २६ मा फाइनल खेल हुनेछ ।