संयुक्त अरब इमिरेट्स यूएईका जारी आईसीसी टी–२० विश्वकप क्रिकेटमा आज अष्ट्रेलिया र न्यूजिल्यान्डबीच प्रतिश्पर्धा हुँदैछ । शारजहामा हुने यी दुई टोलीबीचको खेल नेपाली समयानुसार राति पौने ८ बजे सुरु हुनेछ । 

दुवै टोली लगातार दोस्रो जित निकाल्ने योजना सहित मैदान उत्रदै छन् । न्युजिल्यान्डले आफ्नो पहिलो खेलमा इण्डियालाई ५८ रनले हराउँदा, अष्ट्रेलियाले श्रीलंकालाई ६ विकेटले पाजित गरेको थियो । 

समूह ए मा रहेको न्यूजिल्ययान्ड २ अंक सहित शीर्ष स्थानमा छ । समान अंक भएपनि अष्ट्रेलिया रनरेटमा पछि रहँदै दोस्रो स्थानमा छ ।

यसअघि, हिजो भएको खेलमा इंग्ल्यान्डले दक्षिण अफ्रिकालाई ७ विकेटले हराएको छ । दक्षिण अफ्रिकाले प्रस्तुत गरेको १ सय २५ रनको लक्ष्य इंग्ल्यान्डले १९ ओभर २ बलमा ३ विकेट गुमाउँदै पूरा गर्यो ।

 यो नतिजासँगै समूह बी मा हरेको इंग्ल्यान्ड दुई खेलबाट ४ अंकसहित शीर्ष स्थानमा छ । समान खेल खेलेको दक्षिण अफ्रिका २ अंकसहित तेस्रो स्थानमा छ ।