फुलह्यामले उत्कृष्ट पुनरागमन गर्दै इंग्लिस प्रिमियर लिग फुटबलमा ब्रेन्टफोर्डलाई पराजित गरेको छ । घरेलु मैदान क्रेभेन कजेटमा गएराति भएको खेलमा फुलह्यामले पाहुना टोली ब्रेन्टफोर्डलाई २–१ गोल अन्तरले हराएको हो । 

खेलको पहिलो हाफमा ब्रेन्टफोर्ड १–० गोलले अघि थियो । तर, दोस्रो हाफमा फुलह्यामका सवस्टिच्युट खेलाडी ह्यारी विल्सनले दुई गोल गर्दै ब्रेन्टफोर्डलाई स्तब्ध पारेको हो ।

भिटाली जेनेल्टले पहिलो हाफको २५ औं मिनेटमा गरेको गोलबाट ब्रेन्टफोर्डले अग्रता लिएको थियो । तर, अग्रता जोगाउन नसक्दा ब्रेन्टफोर्ड पराजित भएको हो । 

फुलह्यामको जितमा विल्सनले खेलको अतिरिक्त समयको ९२ र ९७ औं मिनेटमा दुई गोल गरेका थिए । यससँगै फुहलमको नाटकीय जित पूरा भएको थियो । यो नतिजासँगै फुलह्याम १५ अंकसहित तालिकाको नवौ स्थानमा उक्लेको छ । 

ब्रेन्टफोर्ड १३ अंकका साथ तालिकाको १२ औं स्थानमा रह्यो । यस सिजन जितको स्थितिबाट अंक गुमाउनेमा ब्रेन्टफोर्ड सबैभन्दा अगाडि रहेको छ ।